FN-ip nunarsuarmi piujuaannartitsinissamut anguniagai 17-iusut pillugit suliffeqarfiit, kattuffiit pisortallu suliffeqarfiutaat arlallit suliniaqataallutik periuusissanut pilersaarutinik suliaqarput. Naatsorsueqqissaartarfiullu nunarsuarmi anguniakkat pillugit suliaqarnermi isumassarsiorfissatut matumani saqqummersinneqartut suliarai. Saqqummersitaq naleqqersuutinik ineriartornermi anguniakkat sumut killinnerinut uuttuutaasinnaasunik imaqarpoq. Suliallu ingerlanerani naleqqersuutinut takussutissatut siunnersuutinik arlalinnik ilanngussisoqarpoq.
Suliaq Rmarkdown-ikkut statgl-imi saliaqarluni atortut atorlugit
allataavoq. Uani annertunerusumik atuarsinnaavutit suliaqarluni
atortut pillugit. Atuartoq r-imi ilisarnaatinik atoqqiinissaminut
uani periarfissaqarpoq 
.
Suliap imarisai tamanit atorneqarsinnaapput. Eqqaamaneqassaarli
Naatsorsueqqissaartarfik najoqqutarineqartutut
nalunaarutigineqassammat.
FN FN-ip anguniagaanut naleqqersuutit
FN-ip anguniagaanut naleqqersuummik taaneqartut tassaapput anguniakkani naleqqersuutinut takussutissiat FN-imit suliarineqarsimasut
FN Taarsiissutitut naleqqersuutit
Taarsiissutitut naleqqersuummik taaneqartut tassaapput FN-ip anguniagaani naleqqersuutinut Kalaallit Nunaanni kisitsisitigut paasissutissaqanngitsunut taarsiissutit, FN-imiilli naleqqersuutinut assingusumik siunertalittut sammivilittullu nalilerneqartut.
GS Sumiiffimmi naleqqersuutit
Nunarsuarmi anguniakkat nunarsuarmioqatigiinnut siammasissuunerat pissutaalluni anguniakkat naleqqersuutillu tamakkerlutik tamanut naleqquttuaannanngillat. Sumiiffimmi naleqqersuummik taaneqartut tassaapput naleqqersuutit Naatsorsueqqissaartarfiup nunarsuarmi anguniakkat naleqqersuutaannut tulluarsarlugit Kalaallit Nunaanni kisitsisitigut paasissutissat suliarisimasai.